Martial - Issa

Text:

Issa est passere nequior Catulli,
Issa est purior osculo columbae,
Issa est blandior omnibus puellis,
Issa est carior Indicis lapillis,
Issa est deliciae catella Publi,
Hanc tu, si queritur, loqui putabis.
Sentit tristitiamque gaudiumque. . .
et desiderio coacta ventris
gutta pallia non fefellit ulla,
sed blando pede suscitat toroque
deponi monet et rogat levari.
Castae tantus inest pudor catellae,
ignorat Venerem; nec invenimus
dignum tam tenerā virum puella.
Hanc ne lux rapiat suprema totam,
pictā Publius exprimit tabella,
in quā tam similem videbis Issam,
ut sit tam similis sibi nec ipsa.
Issam denique pone cum tabella:
aut utramque putabis esse veram,
aut utramque putabis esse pictam.

Inca nu stiu daca in romaneste a aparut vreo traducere din Martial. Daca cineva stie ceva, este rugat sa comunice. Multumim anticipat.